Trupi i pajetë i një 26-vjeçari, me shenja dhune, është gjetur ditën e djeshme në Koçan, në bodrumin e ndërtesës ku i ndjeri ka banuar.
Meqenëse në trupin e të riut u gjetën shenja dhune, prokurori i Prokurorisë Publike Themelore të qytetit të Koçanit urdhëroi nisjen e hetimeve lidhur me rastin dhe i bëri thirrje Ministrisë së Punëve të Brendshme që të angazhojë ekipin e forenzikës.
Në drejtim të vërtetimit të shkaqeve për vdekjen e të riut, Prokuroria lëshoi urdhëresën për obduksion, si dhe urdhëroi mbledhjen e gjurmëve nga vendi I ngjarjes dhe realizimin e ekspertizave të nevojshme. Hetimi lidhur me ngjarjen vazhdon.