Në fshatin Mexhitlia të Manastirit, të dielën, në një fabrikë për prodhimin e dioksid karbonit, është gjetur i vdekur B.R (47) i qytetit të Manastirit dhe i cili punonte si operator në atë fabrikë. Një koleg i tij, menjëherë pasi që e ka parë të shtrirë në tokë, e ka nxjerrë nga salla dhe ka tentuar që ta sjellë në vetëdije.
Menjëherë është thirrur Ndihma e Shpejtë, e cila e ka konstatuar vdekjen pa shenje dhune. Trupi i të ndjerit është dërguar në Spitalin e qytetit të Manastirit.
Për këtë ngjarje është njoftuar edhe inspektorati i punës.