Zyra e Informimit në Shërbimin Korrektues të Kosovës njofton se në Spitalin Rajonal të Pejës, ka ndërruar jetë i burgosuri B.Th, i cili ishte i dënuar me 12 vite e 6 muaj burg për veprën penale “vrasje”. Ai ishte duke e vuajtur dënimin në burgun e Dubravës.
Njoftimi nga Shërbimi Korrektues në Kosovë thotë se në Spitalin Rajonal të Pejës, ka ndërruar jetë i burgosuri me inicialet B.Th, për shkak të keqësimit të gjendjes shëndetësore. Në njoftim thuhet se ai ishte në gjendje të rëndë shëndetësore që nga 21 shkurti 2017, u dërgua në Spitalin Rajonal të Pejës, ku edhe ndërroi jetë.
I burgosuri, B.Th. ka qëndruar në burgun e Dubravës që nga viti 2007, i dënuar me 12 vite e 6 muaj për veprën penale “vrasje”.
Për rastin në fjalë, janë informuar sipas procedurës, të gjitha instancat përkatëse./BS/
