Rreth orës 00:10 në një lokal në fshatin Bërdicë, mësohet se ka ndodhur një konflikt me armë, mes disa personave ku ka ngelur i dëmtuar F. F 34 vjeç, banues në Shkodër.
Pas kanë debatuar në lokal, mësohet se ata kur kanë dalë jashtë kanë thyer xhamat e parë të dy mjeteve të cilat ndodheshin në parkingun e lokalit.
Përplasja ka vazhduar edhe më tej, ku njëri nga personat ka qëlluar me armë zjarri pistoletë në ajër dhe është larguar së bashku me personat e tjerë me automjetet e tyre.
Policia thotë se pasi është njoftuar nga qytetarët për të shtëna me armë, kanë mbërritur në vendngjarje dhe nga veprimet paraprake hetimore është bërë identifikimi dhe shpallja në kërkim i A. K. 32 vjeç, banues në Lezhë.
Ndërsa, policia po punon për identifikimin dhe kapjen e bashkëpunëtorëve të tjerë dhe zbardhjen e plotë te ngjarjes.