Të shtunën rreth orës 21 në vendkalimin kufitar Tabanoc, duke dalë nga Maqedonia për në Serbi është arrestuar një shtetas i Shqipërisë. Ai i ka dorëzuar policisë pasaportë të falsifikuar, në të cilën ka pasur identitet me iniciale H.B. (19). Policia ka vërejtur se pasaporta është e falsifikuar dhe pas kontrollit të kryer, në bagazhin e tij ka gjetur pasaportën e vërtetë dhe ka konstatuar se bëhet fjalë për personin H.F. (23) nga Shqipëria.
Ai është arrestuar nga autoritetet kufitare dhe është dorëzuar në policinë e Kumanovës, kurse pasaporta e falsifikuar është konfiskuar.
Raste të ngjashme me shtetas të Shqipërisë vrehen vazhdimisht në vendkalimin kufitar në Tabanoc, por edhe në vendkalime tjera kufitare në Maqedoni.
