Shtatë sirianë dhe shtatë afganë janë ndaluar nga policia e doganierët gjatë ditës së hënë, në pikën kufitare në Han të Elezit.
Sipas zëdhënësit të Policisë së Kosovës, Daut Hoxha, të 14 shtetasit e huaj janë identifikuar nga policia brenda një kamioni me rimorkio që drejtohej nga një shofer i nacionalitetit turk i cili më pas është arrestuar.
Ky rast nga forcat e rendit po cilësohet kontrabandim me emigrantë.
Hoxha ka thënë se policia është duke kryer procedurat e tjera të parapara për trajtimin e rasteve me emigrantë duke bazuar në ligjet e aplikueshme në vend.
