Katër persona janë arrestuar në Elbasan për sherrin me armë që ndodhi në këtë qytet rreth orës 16:00 ku u plagosën 4 vetë.
Të arrestuarit janë Alfred Gjini, Emiljano Gjini, Klevis Gjini dhe Hajdar Bako, të cilët u përfshinë në sherrin me armë dhe sende të forta. Ata akuzohen për vrasje të mbetur në tentativë, ndërsa në kërkim është shpallur Franc Çorpja (Gergely).
Arrestimi i tyre u bë pasi në sheshparkimin e mjeteve në një lokal në fshatin Katund i Ri, gjatë një konflikti për motive të dobëta i cili ka nisur me sende të forta dhe më pas me armë zjarri. Në konflikt dyshohen të jenë përfshirë shtetasit Hajdar Bako dhe F.G, 25 vjeç njëra palë dhe në palën tjetër janë përfshirë shtetasit Alfred Gjini, Klevis Gjini dhe Emiljano Gjini.
Si pasojë e konfliktit me sende të forta e më pas me armë zjarri janë plagosur dy shtetas me armë zjarri dhe 2 shtetas të dëmtuar me sende të forta konkretisht:
Hajdar Bako është plagosur me armë zjarri në krahun e djathtë
Klevis Gjini, është plagosur me armë zjarri në këmbën e djathtë.
Dëmtime të tjera fizike me mjete të forta në kokë kanë marrë shtetasit Alfred Gjini dhe Emiljano Gjini.
Në vendngjarje policia sekuestroi krehër pistolete model 56 mm me 6 copë fishekë, 17 gëzhoja nga të cilat 16 gëzhoja janë model 54 mm dhe një gëzhojë të kalibrit 9 mm.