Policia ka arritur të arrestojë autorin e sulmit me thikë të ndodhur katër ditë më parë në Durrës.
Burime zyrtare bëjnë me dije se në pranga është vënë Mario Spahiu, 33 vjeç, banues në Durrës.
Më 6 prill, rreth orës 21:50, në lagjen Nr.17 në Durrës, për motive të dobëta, ai ka goditur me thikë shtetasen S.V. 34 vjeçe, shtojnë të njëjtat burime.
Për pasojë, e dëmtuara ndodhet në Spitalin Rajonal Durrës në gjendje të rëndë shëndetësore.
Nga hetimet e deritanishme, rezulton se mes gruas së divorcuar dhe me fëmijë dhe të arrestuarit ka pasur një lidhje dashurie dhe gjithçka ka ndodhur pas një debati mes tyre.
Materialet për rastin i kaluan Prokurorisë së Rrethit Gjyqësor Durrës për veprime të mëtejshme për veprat penale: Vrasja me paramendim” e mbetur në tentativë dhe ”Prodhimi, mbajtja, blerja apo shitja pa leje e armëve të ftohta”.