Një 35-vjeçar u arrestua nga Policia e Durrësit pasi akuzohet për disa vjedhje. Ajo që bie në sy janë shumat e vogla të parave që ai merrte, edhe pse në disa raste ka hyrë në banesë apo lokal dhe ka dalë vetëm me 1 mijë lekë.
Ai pikaste banesa në zonën e plazhit, e mesa duket, qytetarët ende nuk i kanë nisur pushimet për shkak se në banesa nuk ka pasur sende me vlerë.
Efektivët e Durrësit arrestuan Afrim Idic, 35 vjec me banim në qytetin bregdetar, pasi rezulton të jetë autor i vjedhjeve të kryera në të paktën tre raste.
Në 11 prill ai dyshohet se në një internet kafe në lagjen numër 11 ka vjedhur 5 000 lekë
Më datë 28 prill në lagjen Nr.13, Plazh dyshohet se ka vjedhur 1 000 lekë më banesën e një 63 vjeçareje.
Po gjatë ditës së djeshme në lagjen Nr. 14, 35-vjeçari dyshohet se ka vjedhur një aparat telefoni celular në banesën e një 46 vjeçareje.
I riu do të hetohet nga Prokuroria e Durrësit për veprën penale" Vjedhja" në bashkëpunim.