Një orë pas vrasje së dyfishtë në Vlorë, policia bën me dije se në afërsi të Panajasë, pranë mbikalimit, është konstauar një mjet tip “BMV” me targë AA 348 PC, i cili kishte marrë flakë.
Për shkak të ndërhyrjes së zjarrfikëses është bërë e mundur shuarja e flakëve të zjarrit dhe për pasojë mjeti është dëmtuar pjesërisht.
Dyshohet se mund të ketë lidhje me vrasjen. Blutë po punojnë për dokumentimin e plotë të ngjarjes.
Vrasja në Vlorë u regjistrua rreth orës 19:40 të mbrëmjes në një lokal në afërsi të sheshit “Flamuri”.
Drejtori i OSHEE, Roland Saliu dhe pronari i hotel Vlorës dhe televizionit “Vlora Channel”, Erven Hyseni u qëlluan me automatik ndërsa ndodheshin në tavolinë.
Nga të shtënat, Saliu mbeti i vdekur në vend, ndërsa Hyseni ndërroi jetë në spital. Dyshohet se objektiv i atentatit të ketë qenë pikërisht ky i fundit.