Policia në Pejë njofton se rreth orës 2 e 50 të ditës së sotme në rrugën Pejë- Mitrovicë, përkatësisht në fshatin Vitomiricë, ka ndodhur aksident trafiku me pasojë vdekjen e një ngasësi të biçikletës .
Në këtë aksident ishte i përfshirë automjeti “Mercedes” me targa të regjistrimit vendor të cilin e drejtonte i dyshimti I.A.( 1989).
Viktima e këtij aksidenti është: F.D.(1997) i cili ka ndërruar jetë në vendin e ngjarjes dhe vdekjen e tij e ka konstatuar ekipi mjekësor.
Përsoni i dyshuar i cili ka shkaktuar aksidentin është arrestuar nga Policia pasi që i njëjti ka ikur nga vendi i ngjarjës.
Lidhur më këtë është njoftuar prokurori i shtetit, i cili ka marrë pjesë në shikimin e vendit të ngjarjes ku me urdhër të tij, trupi i pa jetë është dërguar për obduksion në IML Prishtinë.
I dyshuari i këtij rasti, ngasësi i mjetit është ndaluar me vendim të prokurorit shtetit.
