Një i moshuar në Vlorë i ka dhënë fund jetës duke u vetëvarur me litar në banesën e tij.
Ngjarja ka ndodhur rreth orës 17:00, në lagjen “Ujë i Ftohtë”.
Viktima Sh.B rreth 81 vjeç është gjetur i varur në tualetin e banesës nga familjarët e tij, të cilët kanë njoftuar më pas policinë.
“Menjëherë sapo është marrë njoftimi është afruar grupi hetimor i cili ka konstatuar se ngjarja ka ndodhur në një banesë në zonën e Kalasë, ku është gjetur i pajetë nga familjarët e tij, shtetasi Sh.B., rreth 81 vjeç.Nga hetimet e kryera, ka rezultuar se viktima është vetëvarur me litar në tualetin e kësaj banese”.
Policia thotë se nga kqyrja paraprake që i është bërë trupit të pajetë nuk janë parë shenja dhune apo dëmtime të tjera.
Grupi hetimor ndodhet në vendngjarje duke kryer veprimet e mëtejshme proceduriale.