Në orët e mbrëmjes së të martës ka ndodhur një rast i dhunës familjare në Prizren në një shtëpi në rrugën “Mbreti Pleurat”.
Policia njofton se në këtë rast i dyshuari e kishte sulmuar fizikisht bashkëshorten dhe e njëjta është trajtuar nga mjekët e Emergjencës Rajonale në Prizren.
Sipas forcave të rendit me qëllim të eliminimit të rrezikut për viktimën, hetuesit kanë ushtruar një kontroll në shtëpinë e të dyshuarit, në prezencë të tij dhe dëshmitarëve ku kanë gjetur dhe sekuestruar, një kallashnikov, një pushkë gjysmë automatike, pistoletë, fishekë, etj.
Prokurori i shtetit ka urdhëruar që i dyshuari të ndalët në masën e arrestit policor.
