Një 24-vjeçar nga Pogradeci tentoi të vrasë me thikë një tjetër shtetas për motive të dobëta.
Specialistët e Seksionit për Krimet në Komisariatin e Policisë Pogradec, bënë kapjen dhe arrestimin në flagrancë të shtetasit Marjo Xhangolli, 24 vjeç, banues në Pogradec.
Policia bën me dije se “arrestimi i tij u bë pasi, më datë 10.07.2017, në rrugën nacionale Pogradec-Korçë, në afërsi të fshatit Gështenjas, ky shtetas për motive të dobëta, ka goditur në pjesën e krahut me thikë, duke tentuar të vrasë shtetasin F.M, 28 vjeç, banues në Korçë”.
Blutë ia dolën të parandalojnë në kohë përshkallëzimin e mëtejshëm të këtij konflikti. Dyshohet se të rinjtë ishin konfliktuar me njëri-tjetrin pas përplasjes së dy automjeteve, me drejtues shtetasin F.M dhe tjetri me drejtues babanë e shtetasit Marjo Xhangolli, në rrugën nacionale Pogradec-Korçë. Në cilësinë e provës materiale u sekuestrua një thikë.
Materialet i kaluan Prokurorisë të Rrethit Gjyqësor Pogradec, për veprën penale: “Vrasja me dashje, mbetur në tentativë” parashikuar nga nenet 76 e 22 të Kodit Penal.
