Një familje në Vushtrri ka shpëtuar mrekullisht pa lëndime, pasi që plumb i është futur nga jashtë në shtëpi.
Policia njofton se “Viktima mashkull K-Shqiptar ka raportuar se ka dëgjuar një krismë e më pas ka vërejtur roletën e dritares që është e shpuar”.
Lidhur me rastin është arrestuar një i dyshuar mashkull K-Shqiptar dhe gjatë kontrollit tek i njëjti është gjetur dhe konfiskuar një armë ndërsa në vendin e ngjarjes është gjetur një predhë e cila është konfiskuar.
Rasti është hapur si “shkaktim i rrezikut të përgjithshëm”.