Gjykata e Tiranës ka dhënë sot vendimin ‘arrest me burg’ për katër personat e akuzuar për atentatin tek “Komuna e Parisit” ku mbeti i plagosur i riu, Lorenc Hoxha.
Gjykata ka pranuar kërkesën e Prokurorisë duke lënë në burg 4 të dyshuarit, më konkretisht Dejvis Rrustemaj, Klajdi Kodra, Igler Qose dhe Ardit Xheferri, të cilët u arrestuan një ditë më parë në qytetin e Vlorës, ku ishin fshehur pas atentatit ndaj 25-vjeçarit.
Katër të rinjtë akuzohen për “Vrasje e mbetur në tentativë e kryer në bashkëpunim”. E ndërsa arsyeja e atentatit është vrasja e djalit të dajës së këtij të fundit.
