Kufoma e dekompozuar e një mashkulli të moshës 40 vjeç është gjetur mesditën e 7 gushtit në një shkurre në rrugën “Lord Bajron” në Tiranë.
Policia informon se një telefonatë e mbërritur rreth orës 14: 30 minuta në numrin e Emergjencave 112 njoftoi për kufomën e cila nga verifiket e bëra i përket seksit mashkull, rreth moshës 40 vjeç, me një gjatësi rreth 170 cm.
“Për shkak të stadeve të avancuara të dekompozimit të saj, nuk cilësohen të dhëna të tjera. Paraprakisht dyshohet se vdekja mund të ketë ardhur nga shkaqe natyrale. Grupi hetimor po vazhdon punën për identifikimin kufomës së gjetur” informon policia.
