(E plotësuar) - Ujërat e plazhit të Portonovës në Zvërnec të Vlorës i marrin jetën një tjetër pushuesi.
Një fëmijë raportohet se është mbytur pasditen e sotme teksa lahej në det, ndërsa një tjetër ndodhet në gjendje të rëndë.
Policia në informacionin paraprak për ngjarjen bën me dije se “në orën 15.45, në vendin e quajtur “Plazhi i Dalanit” Zvërnec, nga shërbimet janë nxjerrë në breg të detit dy fëmijë, njëri prej të cilëve ndodhet në gjendje të rëndë shëndetësore.
Drejt vendit të ngjarjes është nisur kryetari i bashkisë së Vlorës, Dritan Leli.
Vetëm një muaj më parë në këtë plazh humbën jetën tre të rinj, mes tyre një pushues shqiptar nga Maqedonia.
Mbytet një fëmijë në plazhin e Zvërnecit
Një tjetër viktimë nga mbytja në plazhet e vendit. Mesditën e sotme bëhet e ditur se është mbytur një tjetër fëmijë në plazhin e Portonovës në Zvërnec.
Si pasojë policia e Vlorës është nisur drejt vendngjarjes dhe pritet të japë më shumë detaje lidhur me ngjarjen, si identitetin, moshën e viktimës dhe rrethanat që shkaktuan mbytjen.