Policia dje ka arritur t`i arrestojë dy persona të dyshuar për një rast të vjedhjes në një nga marketet e Prishtinës.
Rasti ka ndodhur para katër ditësh në një nga marketet në lagjen “Dardania”, ku personat e dyshuar punëtores që ishte në arkë i kishin grabitur 700 euro.
Bëhet fjalë për rastin e video xhirimit, që ditëve të fundit ka qarkulluar ne portale e mediume të ndryshme.
Të dyshuarit me urdhër të Prokurorit të shtetit, janë dërguar në qendrën e mbajtjes në Prishtinë, ndërkohë që i dyshuari i tretë është në kërkim.
