Policia e Fierit ka njoftuar se është gjetur i pajetë një person në parcelat e mbjella të një shtetasi, në fshatin Baltëz të qytetit të Fierit .
Nga informacionit paraprak mësohet se sot rreth orës 10:15, në fshatin Baltëz, Fier, shtetasi F.Xh duke punuar në parcelën e tij të mbjellë me kulturë bujqësore, ka gjetur të vdekur shtetasin Safet Veizi, 70 vjeç, banues në fshatin Baltëz.
Ky i fundit ishte shpallur në kërkim më datën 04.08.2017 për “Largim nga banesa”. Paraprakisht dyshohet se vdekja ka ardhur nga shkaqe natyrale. Grupi hetimor po punon për zbardhjen e plotë të ngjarjes.