Një aksident automobilistik ka ndodhur para pak minutash në zonën e “Freskut” në kryeqytetin shqiptar, ku si pasojë e incidentit kanë mbetur të plagosur 3 persona.
Dy vajza dhe një djalë janë lënduar në aksident, por fatmirësisht asnjëri prej të plagosurve nuk ka plagë serioze për shëndetin e tyre. Kur mjetet janë përplasur, njëri prej të plagosurve ka ngecur brenda në makinë dhe është dashur ndërhyrja e forcave zjarrfikëse për ta nxjerrë prej hekurishteve të automjetit.
Policia ka nisur tashmë punën për zbardhjen e shkakut, ndërsa të rinjtë janë dërguar në spital.
