Aksident i rëndë në Mitrovicë, një i vdekur dhe dy të lënduar - Bota Sot
Aksident i rëndë në Mitrovicë, një i vdekur dhe dy të lënduar

Kronikë e zezë

E premte, 20 tetor 2017

Aksident i rëndë në Mitrovicë, një i vdekur dhe dy të lënduar

Më: 22 shtator 2017 Në ora: 15:18
Ilustrim

Një aksident trafiku me fatalitet është raportuar sot rreth orës 00:50, me 22 shtator 2017, njofton Policia e Kosovës, Drejtoria Rajonale, Mitrovicë.

Sipas një njoftimi të Policisë, aksidenti ka ndodhur në rrugën “Faruk Spahija” në Mitrovicë, ku si pasojë e aksidentit ka ndërruar jetë vozitësi M. XH., 36 vjeçar.

“Vdekjen e konfirmoi mjeku kujdestar, ndërsa lëndime trupore kanë pësuar dy pasagjerë, të cilët janë dërguar për tretman mjekësor në spitalin rajonal në Mitrovicë, ku njëri dërgohet për tretman të mëtejmë në QKUK në Prishtinë dhe tjetri lirohet në shtëpi”, thuhet në njoftim.

Më tej shtohet se hetuesit e Njësisë së trafikut rajonal, prokurori kujdestar si dhe mjekësia ligjore, kanë dalë në vendin e ngjarjes dhe kanë kryer vendshikimin e ngjarjes.

“Nga hetimet e para të bëra në vendngjarje, nga hetuesit e Njësisë së trafikut rajonal, bëhet e ditur se si shkaktar dyshohet të ketë qenë pakujdesia e ngasësit i cili humb kontrollin mbi automjetin duke përfunduar jashtë. Trupi i pajetë i viktimës me urdhër të prokurorit të shtetit dërgohet në mjekësinë ligjore për obduksion”, përfundohet në njoftimin e Policisë.

Komentet
comments powered by Disqus
Sot mund të lexoni Shfletoni kopertinat
Sondazh
    test