Policia greke ka publikuar pamje të kamerave të sigurisë që kanë filmuar metodën e vjedhjes që përdornin anëtarët e një bande shqiptare në Athinë.
Ata grabisnin udhëtarët në stacionet e metrosë dhe në aeroport, duke u përzier në turmën e qytetarëve dhe u vidhnin atyre portofolat, celularët dhe sende të tjera personale.
Dje u raportua se të gjitha veprimet e anëtarëve të bandës mbikëqyreshin nga drejtuesja e tyre, 36-vjeçarja shqiptare e quajtur Fatmira Cami e cila përdorte edhe dy emra të tjerë, Romina dhe Antonia.
Banda e grabitësve ka funksionuar prej 10 vitesh, ndërsa policia ka publikuar edhe fotot e anëtarëve të arrestuar të bandës.
Hetuesit kanë dokumentuar 700 vjedhje, ndërsa dyshohet se grupi ka kryer 4 mijë raste të vjedhjeve.
