Një zjarr ka përfshirë një banesë në fshatin Saraqinisht, në Gjirokastër. Ngjarja ndodhi mbrëmjen e sotme, ndërsa në rrezik janë vënë edhe tre shtëpi të tjera.
Edhe pse e pakonfirmuar, dyshohet se shkak i rënies së zjarrit ka qenë zierja e rakisë nga ana e të zotit të shtëpisë.
Dyshohet se zjarri me të cilin burri po nxirrte rakinë, është përhapur edhe në pjesët e tjera të shtëpisë.
Mësohet se nga flakët nuk janë raportuar persona të lënduar por vetëm disa dëme materiale.
Forca të shumta zjarrfikëse kanë shkuar në vendin e ngjarjes.