Policia Italiane ka arrestuar dy shqiptarë ditën e sotme në Bolonja , pasi u kapën me 25 kilogramë heroinë.
Sipas mediave italiane është arrestuar Indrit Baldiu dhe Shkëlqim Xhafa, 28 dhe 25 vjeç, persona pa precedentë penale.
Si fillim policia ka arrestuar Shkëlqim Xhafën, i cili është ndjekur nga karabinierët, teksa ai ecte në rrugën ‘Martin Luther King’ për në apartament, ku e priste edhe shqiptari tjetër.
Ndërkohë, gjatë kontrollit të ushtruar nga karabinierët, në një dollap të banesës u gjet edhe një armë, që rezultonte e vjedhur si dhe dy karikatorë. Nëse droga e sekuestruar do të dilte në treg, kapte shifrat e një milion euro.