Një vajzë e mitur, vetëm 13 vjeçe, akuzon një burrë në moshë se e përndjek.
Gjatë ditës së djeshme, vajza nga Leskoviku është paraqitur në komisariatin e Ersekës shoqëruar nga prindërit, dhe ka kërkuar ndihmën e policisë.
Ajo ka akuzuar 62-vjeçarin A.K., se gjatë së mërkurës e ka përndjekur në mënyrë të vazhdueshme, duke mos ju ndarë këmba-këmbës.
“Më ndiqte në rrugë dhe më bënte shenja që më ngjallnin frikë”, mësohet të ketë thënë 13-vjeçarja para uniformave blu.
Ndaj të moshuarit nisi hetimi në gjendje të lirë, për veprën penale të përndjekje.