Policia e Fierit ka arrestuar një 55-vjeçar, pasi ka kundërshtuar dhe goditur punonjësin e Policisë Bashkiake. Personi i arrestuar është Kujtim Murati, banues në Patos.
Sipas policisë ky person në lagjen “Naftëtari“, Patos, në ambientet e Bashkisë, ka goditur punonjësin e Policisë Bashkiake Patos, si dhe nuk i është bindur urdhrit të punonjësve të Stacionit të Policisë Patos duke i kundërshtuar ata.
Materialet i kaluan Prokurorisë pranë Gjykatës së Shkallës së Parë Fier për veprat penale “Kundërshtim i punonjësit të policisë së rendit publik” dhe “Goditje për shkak të detyrës”.
