Një sasi e konsiderueshme lënde narkotike është zbuluar nga Policia në Velipojë të Shkodrës.
Sipas informacioneve paraprake flitet për një sasi rreth 1 ton kanabis. Droga është gjetur dhe sekuestruar në fshatin Vilu të Velipojës.
Disa persona janë arrestuar nga policia dhe pritet të bëhen publik emrat e tyre.
Në këtë zonë trafikantët e bëjnë transportin e lëndës narkotike me skafe. Edhe sasia e konsiderueshme edhe në këtë rast u gjet e ngarkuar në një skaf dhe dyshohet se destinacion kishte Italinë. Trafikantët ishin duke e zhvendosur drogën nga një furgon i bardhë për në skaf.
Policia është ende duke peshuar sasinë e kanabisit për të nxjerrë peshën e saktë të lëndës narkotike të sekuestruar.