Një ngjarje jo e zakonshme ka ndodhur dy netë më parë në fshatin Sharrë në Tiranë. Persona ende të paidentifikuar, i kanë vjedhur një 33-vjeçari me inicialet A. L., një lopë dhe një viç nga kasollja pranë banesës.
Sapo ka konstatuar vjedhjen, 33-vjeçari ka njoftuar policinë. Gjatë kontrollit të territorit në vendin e quajtur Kodër Sharrë, në një banesë private të pabanuar u gjendën të therur lopa me viçin, ku pjesa më e madhe e mishit ishte marrë nga autorët.
Sakaq, po punohet për identifikimin dhe kapjen e autorëve.
