"Iu dogj shtëpia me gjithçka kishte brenda, kryefamiljari i varfër hidhet në Valbonë" - Bota Sot
"Iu dogj shtëpia me gjithçka kishte brenda, kryefamiljari i varfër hidhet në Valbonë"

Kronikë e zezë

E martë, 23 janar 2018

"Iu dogj shtëpia me gjithçka kishte brenda, kryefamiljari i varfër hidhet në Valbonë"

Më: 16 dhjetor 2017 Në ora: 18:45
Lumi i Valbones

(E plotësuar)- Pasi banesa iu bë shkrumb e hi dhe humbi gjithçka që kishte, një kryefamiljar nga Tropoja ka vendosur t'i japë fund jetës në mënyrë tragjike.

Gent Zalli ishte një nga banorët e pallatit tre katësh që u përfshi nga flakët në një lagje të Bajram Currit në Tropojë.

Pasi mbeti mes katër rrugëve, së bashku më familjen, i gjendur në vështirësi, tropojani ka vendosur të vetëflijohet duket u hedhur në lumin e Valbonës.

Me sa duket ai ka vendosur t'i japë fund jetës pasi asnjë nga autoritet nuk i ka "shtrirë dorën" e aq më pak t'i siguronte shtëpi.

Ngjarja e rëndë erdhi pasi kryetari i Bashkisë së Tropojës nuk e ka vënë  "ujin në zjarr" për të ndihmuar familjet që u shpëtuan flakëve, përkundrazi i ka lënë në qiell të hapur.

Sipas një burimi pranë redaksisë së "JOQ.al", mësohet se Genti është personi i dytë që vetëvritet për shkak të vendimeve të Kryetarit të Tropojës sepse një tjetër viktimë i ka dhënë fund jetës pasi bashkia e pushoi nga puna.

Po i njëjti qytetar i është drejtuar redaksisë tonë, ditën kur pallati u përfshi nga flakët, duke thënë se:

Pershendetje" JOQ.al". Une banoj tek ky pallati dhe nuk jam prekur nga zjarri pasi jemi ne katin e pare ndonëse pesuam dhe ne ca demtime.

Por 3 familjeve ju eshte djegur shtepia dhe nuk u ka mgelur asgje brenda. Nuk ka gjë me të keqe se shohësh duke qare kryefamiljarin e njeres familje aty qe thoshte se sapo kishe marre rrogen prej 350 mij lekesh te vjetra dhe dhe ato i ishin djegur, Ndërkohë Kryetari jone i bashkise  i cili ndodhet në Tiranë, as ka levizur fare madje vtm u ka thene "merrni me qera shtepi dhe bashkia ua paguan 5 muaj".

Sipas këtij qytetari askush nga autoritet e Tropojës nuk kanë dalë të kërkojnë për trupin e Gentit, deri në orët e vona të pasdites.

Ai na ka shkruar sërish ditën e sotme, duke u shprehur se:

Pershendetje "JOQ".  po ju shkruaj per te disaten herë dhe ketë radhe u shkruaj sepse po ndihem aq keq....Më lart ju permenda dy familje qe jane djegur komplet dhe ai kryefamilkari qe u permenda me lart sot ka vrare veten. Është hedhur ne valbone me vetëdije, Nga gjithë kjo situate  kryetari i bashkise spo ben asgje dhe i ka len jashte ata njerez

Ju lutem publikojen kudo kete lajm dhe  tregojuni të gjithë shqiptareve se si ai njeri vrau veten sot vetem se kryetari i bashkise nuk u siguroi shtepi

Dua te theksoj dhe dicka ky eshte njeriu i dyte qe vret veten nga vendimet e kryetarit te bashkise i pari e ka vrare veten vjet pasi kryetari e hoqi nga puna.

Gent Zalli sot eshte hedhur ne lumim e valbones nga veshtiresit qe e kapen dhe eshte mbytur. Dhe madje ska dal kush ta kerkoje policia vetwm pak ore kan kerkuar pastaj jo me".

Njoftimi i policisë:

Tropojë.

Informacion paraprak.

Më datë 16.12.2017, rreth orës 12.50, në Sallën operative të Komisariatit të Policisë Tropojë ka ardhur një telefonatë se në fshatin Valbonë afër ish-turizmit të Valbonës dyshohet të jetë mbytur në lumë shtetasi G.Z.

Në vendgjarje ka shkuar grupi hetimor, ku nga hetimet paraprake rezulton se shtetasi G.Z., 35 vjeç, banues në Tropojë, punëtor i firmës së mirëmbajtjes së rrugës, duke punuar në breg të lumit Valbonë, gjatë pushimit të drekës, ka shkuar për të mbushur ujë në afërsi të lumit dhe nuk është kthyer më.

Në afërsi të burimit, është gjetur jeleku i punës që mbante veshur ky shtetas. Shtetasi G.Z, dyshohet të ketë rënë në lumë. Nga forcat e Policës në bashkëpunim me banorët e fshatit, kanë vijuar kërkimet për gjetjen e tij, nga ora 13:30 deri në orën 17:30, ku për shkak të errësirës, janë ndërprerë kërkimet për ti rifilluar në orët e para të mëngjesit.

 

Punëtori në Valbonë bie në lumë, dyshohet se është mbytur

Një ngjarje e rëndë ka ndodhur ditën e sotme në Tropojë, ku mësohet se një persona ka humbur jetën, pasi është mbytur në lumë.

Policia e Tropojës bën me dije se ngjarja është shënuar afër ish-turizmit të Valbonës, ku G.Z., 35 vjeç, banues në Tropojë, punëtor i firmës së mirëmbajtjes së rrugës, duke punuar në breg të lumit Valbonë, gjatë pushimit të drekës, ka shkuar për të mbushur ujë në afërsi të lumit.

Por, ai nuk është kthyer më, çka ka bërë që shokët e tij të njoftojnë policinë, ku këta të fundit kanë gjetur në afërsi të burimit kanë gjetur jelekun r punës që mbante veshur.

Forcat e Policës në bashkëpunim me banorët e fshatit,  kanë vijuar kërkimet për gjetjen e tij, nga ora 13:30 deri në orën 17:30, ku për shkak të errësirës,  janë ndërprerë kërkimet për ti rifilluar në orët e para të mëngjesit.

Sot mund të lexoni Shfletoni kopertinat
Sondazh
    test