Policia raporton se dje pasdite në fshatin Hajvali të Prishtinës një person(këmbësor) është goditur nga një veturë në lëvizje e cila është larguar nga vendi i ngjarjes në drejtim të panjohur, duke i shkaktuar lëndime vdekjeprurës.
Vdekjen e viktimës e ka konstatuar ekipi mjekësor në vendin e ngjarjes. Me vendim të prokurorit trupi i pajetë është dërguar në Institutin e Mjekësisë Ligjore për Obduksion.