Në magjistralen Prishtinë-Pejë ka ndodhur një aksident i rëndë komunikacioni. Si pasojë e këtij aksidenti, që nga dalja e Fushë Kosovë në drejtim të Pejës janë krijuar kolona të gjatë veturash.
Në aksidentin qe ka ndodhur në Miradi të Fushë Kosovës dhe janë përfshirë dy vetura, por nuk dihet për të lënduar edhe pse bëhet e ditur se është parë një autoambulancë duke u kthyer për në Prishtinë.
Policia e Kosovës në vazhdimësi ka bërë thirrje që të kihet kujdes në komunikacion, sidomos në këto ditë feste kur fluksi i veturave në rrugë rritet ndjeshëm.
