“Armët nuk i vrasin njerëzit, njerëzit i vrasin njerëzit”. Këto kanë qenë fjalët e Arielës vitin e shkuar, teksa ka publikuar në internet foto duke bërë qitje në një poligon në kryeqytet.
Duket se vajza që u vra me armë sot në kryeqytet nga djali që donte të ishte i dashuri i saj, e kishte parashikuar fatin, ose fundin e hidhur.
Gjithçka mund të jetë thjesht një rastësi, ose një parandjenjë e keqe e shfaqur pa vetëdijen e saj. Vajza trime shprehet ndër të tjera se nuk trembet as nga armët e as nga njerëzit.
Ariela përndiqej prej kohësh nga Aldosen Beluli, deri sa sot ai arriti që ta ndalonte përpara fakultetit të mjekësisë dhe pas refuzimit të vazhdueshëm të vajzës, ai e qëlloi me disa plumba, e më pas drejtoi armën nga vetja.
Duke vëzhguar profilin e 21-vjeçares me origjinë nga Berati, vëmë re edhe simpatinë e të rese për ish-ministrin e Punëve të Brendshme, Saimir Tahirin. Ajo ka publikuar një foto përkrah tij, duke u komplimentuar më pas nga ndjekësit.,
