Një person i moshës 38-vjeçare është gjetur pa shenja jete në shtëpinë e tij në fshatin Studime e Ulët të Vushtrrisë.
Rasti është raportuar në stacionin policor të Vushtrrisë rreth orës 15:00.
Vdekjen e tij e ka konfirmuar mjeku në vendin e ngjarjes.
Zëdhënësi i Policisë Rajonale të Mitrovicës, Avni Zahiti, tha për KALLXO.com se njësitë përkatëse policore kanë kryer këqyrjen e vendit të ngjarjes dhe se me urdhër të prokurorit të rastit, trupi i pajetë i viktimës është dërguar në IML për obduksion.
“Sipas familjarëve të viktimës, dhe elementeve tjera rrethanore të rastit dyshimet janë ngritur për vetëvrasje (varje), mirëpo për detaje duhet të presim raportin e IML”, tha zëdhënësi i Policisë.
Rasti po trajtohet si vdekje e dyshimtë.
