Një incident ka ndodhur me armë zjarri në rrugën “Eliot Engel” në Pejë, kur një person ka shtënë me armë zjarri ndaj një personi tjetër, i cili në ato momente ishte në lëvizje me veturën e tij.
Sipas viktimës paraprakisht me të dyshuarin kishte një mosmarrëveshje në komunikacion.
Në vendin e ngjarjes, e cila ka ndodhur mbrëmë në ora 18.00, janë gjetur dhe konfiskuar dy gëzhoja të kalibrit 7.65mm.
Përveç dëmeve materiale në veturën e viktimës nuk raportohet për të lënduar. Rasti është duke u hetuar.
