Një aksident trafiku mes dy automjeteve ka ndodhur dje në fshatin Tërpezë të Malishevës, me ç’rast lëndime trupore kanë pësuar dy meshkuj dhe një femër.
Siç ka njoftuar Policia e Kosovës, të lënduarit janë dërguar për tretman mjekësor në QKUK, ndërsa i dyshuari është arrestuar dhe është dërguar në mbajtje.
“Fsh. Tërpezë, Malishevë 16.03.2018-10:35. Ka ndodhur një aksident trafiku mes dy automjeteve, me ç’rast lëndime trupore kanë pësuar dy meshkuj dhe një femër K/Shqiptar-e, të cilët janë dërguar për tretman mjekësor në QKUK. Me vendim të prokurorit njëri nga ngasësit, i dyshuari mashkull K/Shqiptar është arrestuar dhe dërguar në mbajtje”, thuhet në raportin e PK-së./BS