Dy persona ndodhen në gjendje të rëndë, si pasojë e një zjarri të rënë në një apartament në Durrës.
Rreth orës 11:25 të ditës së sotme, në lagjen Nr.17 ka rënë zjarr në apartamentin e një pallati.
Për pasojë është dëmtuar shtetasi Gëzim Tafruçi, dhe shtetësia Mynyre D., rreth 70 vjeç, të cilët ndodhen në gjendje të rëndë në spitalin e Durrësit.
Gjithashtu gjatë kryerjes së detyrës është asfiksuar punonjësi i zjarrfikëses A. K., i cili ndodhet në spital nën kujdesin e mjekëve.
Nga të dhënat paraprake dyshohet se zjarri mund të jetë shkaktuar si pasojë e një shkëndije elektrike pranë televizorit, çka ka bërë që flakët të përhapen me shpejtësi.
Në vendngjarje ndodhen efektivët e policisë, të cilët po punojnë për zbardhjen e plotë të rrethanave të ngjarjes.