Gjykata e Shkodrës caktoi masën e sigurisë “arrest me burg” për 69-vjeçarin Bashkim Teli, i cili vrau me sende të forta bashkëshorten e tij.
Gjatë seancës, i moshuari shfaqte qartësisht shenja shqetësimi, ndërsa deklaroi para gjykatësve se krimin e kishte kryer pasi bashkëshortja i kërkonte shpeshherë paratë e pensionit dhe se ditën e vrasjes, ai nuk e kishte duruar dot më këtë kërkesë llogarie.
Pas caktimit të masës së sigurisë, pritet që ndaj 69-vjeçarit të kryhet edhe një ekspertim psikik, për të konfirmuar gjendjen e shëndetit mendor të tij.
