Një ngjarje e rëndë është regjistruar sot në Tiranë, ku një fëmijë është mbytur tek liqeni i Farkës.
Mësohet se 12 vjeçari ishte futur në liqen për t’u larë me shokët, por fatkeqësisht nuk ka mundur të dalë dot i gjallë prej aty. ‘BalkanWeb’ mëson se trupi i vogëlushit me inicialet D.D., nuk është nxjerrë ende nga liqeni, ndërkohë që pritet të mbërrijnë polumbarët. Gazetari Klajdi Bodlli raporton se djali, banues në Shkozë.
Aktualisht policia ndodhet në vendin e ngjarjes, ndërsa po heton për ngjarjen e rëndë.
Informacion paraprak
Më datë 05.06.2018, rreth orës 14:25, jemi njoftuar se tek Diga e Liqenit në Farkë është mbytur një fëmijë i mitur.
Paraprakisht dyshohet që fëmija i mitur i moshës rreth 12 vjeç, të ketë qënë duke luajtur së bashku me fëmijë të tjerë në zonën e liqenit dhe është mbytur aksidentalisht. Në vendngjarje kanë shkuar shërbimet e policisë si dhe janë njoftuar Polumbarët e Reneas.
