Vritet një person në Llaushë të Podujevës, policia jep detajet

Kronikë e zezë

Vritet një person në Llaushë të Podujevës, policia jep detajet

Më: 17 korrik 2018 Në ora: 21:50
Ilustrim: Policia e Kosovës

Një i ri i moshës 27 vjeçare ka humbur jetën sot në fshatin Llaushë të Podujevës, pasi është qëlluar me armë zjarri.

Komandanti i stacionit policor në Podujevë, Bekim Bislimi ka thënë se përkundër që emergjenca ka shkuar me shpejtësi në vendin e ngjarjes, personi qëlluar ka ndërruar jetë.

“Sot rreth orës 18:00 kemi pranuar informatën për një incident, mosmarrëveshje. Njësitë policore ju kanë përgjigje rastit. Është ftuar emergjenca, viktimës ju ka ofruar ndihma mjekësore, por ka ndërruar jetë. Në konsultim me prokurorin e shtetit, rasti është cilësuar vdekje e dyshimtë”, ka thënë Bekim Bislimi.

Kurse zyrtarë policorë njoftojnë se i vdekur ka mbetur personi i gjinisë mashkullore, A.D. 27 vjeç.

“Njësitet policore në koordinim me prokurorinë përkatëse po merren me hetimin dhe sqarimin e rrethanave që kanë të bëjnë me rastin”, thueht në njoftimin e Policisë.

Ende nuk janë sqaruar rrethanat e që kanë quar në humbjen e jetës së të riut, ndërsa policia po e trajton si vdekje e dyshimtë.

commentFirst article
Sot mund të lexoni Shfletoni kopertinat