Ti përkulesh pranë varreve, ata na vranë
Krenarinë tonë e bane urë,
E shpërlanë ndergjegjen tande e fajin e tyne,
Ata na çnjerzuen!
Ti përkulesh para shpirtërave që na dogjen,
Nga trolli na dëbuen
E shpërlanë fajin tand e ndergjegjen e tyne
Gjakun e deshmorve e bane ujë!
Ti vë lule e shpirtit tyne lutesh
Denon popullin tand t'dhunuem
S'të vret zani i fëmijve vra nga dorë e tyne
Pse duhet mëkatet tua falësh i pari ?
S'të vret lutja e nuseve të çnjerzueme
Që përkulesh.Cili qenka nderi e cili faji?
Ku mbet krenaria e Ademit, Gjeneralit?
Përkulë kokën boshe e shtatin plep t'thatë,
Para xhelatit që t'vrau vëlla e babë e nanë,
Ç'ti them nesër për luftën, për mua e për Ty djalit
Kur sot e përdhosë gjakun e derdhun për liri,
E përkulesh para varrit të xhelatit.
Cila ftyrë asht sot e nesër cila lëkurë???