Shekulli njëzet “me pushkë dhe penë për mëmëdhenë”
Flakadani i pavarësisë së Shqipërisë
Mbeti i ndezur që nga 1912-ta për atdhenë
Në të gjitha trojet e lashta të shqiptarisë.
Një komb i tërë në lëvizje të mbarë
Për t’i nderuar të rënët e kombit në vijimësi
Rezultoi me lindjen e shtetit të dytë shqiptar
Më 17 shkurt të dekadës së parë të shekullit 21.
Frymë e pavarësisë na ishte ndezur
Për t’mos qenë kurrë të pushtuar as të ndarë
Gjithandej kah flitet shqip, shumë gjak ishte derdhur
Për të frymuar lirshëm edhe kjo pjesë e kombit shqiptar.
Dy shtete shqiptare, shqipeve u ngjajnë
Kur i shtrinë dy krahët në qiellin plot dritë
Në çdo cep të trojeve mesazhe lirie shpërndajnë
Hovim e rritës s’mund t’ua ndalin rrebeshet as stuhitë.
Për të qenë ballëlart në qendër të Ballkanit
Këtë liri që e fituam me djersë e gjak,
Duhet dashur e ruajtur si sytë e ballit
Me sinqeritet e punë të ndershme ditë e natë.