Me shpirtin e sakrificës
Përmes territ e ferrit depërtoi
Për t’ia siguruar vendin dritës
Të gjitha pengesat i eliminoi.
Pansllavistë pati përballë
Çakej tanë, butakë e mizantropë
Që të gjithë i shpërbleu me plumb e zjarr
Për të frymuar lirshëm mbi këtë tokë.
Betimin për lirinë e atdheut e realizoi
Me vizionin e qartë për ardhmëri
Një nga një të gjitha sfidat i eliminoi
Si meteor shpërtheu retë qiellit n’kaltëri.
Pa u hamendur, pa u frikësuar
Ky burrë i vërtetë në vazhdimësi
Për punë të mbara i përkushtuar
Duke ndriçuar rrugën për në ardhmëri.