Sa më shumë afrohen zgjedhjet
Aq më tepër shtohen mbledhjet
Mbledhje në sheshe dhe në male
Për shumë pushtet edhe ideale
Nga mbledhjet kapet dhe Gjilani
Që shkon më tej se sa Tajvani
Fontanë dëshirash deri në qiell
Të cilat zbresin në krip e miell
Nisen nga Zabeli hap pas hapit
Ndalen diku te Livadhet e Arapit
Posa kalojnë Lumin e Mirushës
U del përpara shputë e Arushës
Ndalni, bre burra, boll me premtime
Se nuk na latë mbi kokë aspak qime
Rrugë magjistrale, spitale, fabrika
Ndërtim e punësim ofron “politika”
Shkolla për fëmijë e shtëpi për pleq
Askush nga votuesit s’do të ndjehet keq
Votoni për “NE” u hyjmë në punë
E mos e hani bajgën për samun...
Çmendet njeriu nëpër këto garime
Të cilat na zgjasin deri në votime
Pastaj, me “NE” fitoni të gjithë
Veç atyre që digjen në bythë!
Spica METALIKE
