Kosova triumfon në Tallinn me dy çmime për filmin e Blerta Zeqirit - Bota Sot
Kosova triumfon në Tallinn me dy çmime për filmin e Blerta Zeqirit

Kultura

E hënë, 11 dhjetor 2017

Kosova triumfon në Tallinn me dy çmime për filmin e Blerta Zeqirit

Më: 2 dhjetor 2017 Në ora: 19:31
‘Martesa’ është bashkëprodhim në mes Kosovës dhe Shqipërisë

Filmi i Blerta Zeqirit ‘Martesa’ ka triumfuar në festivalin prestigjioz PÖFF | Tallinn Black Nights Film Festival me çmimin e kritikës ‘Fipresci Prize’ si dhe me çmimin special për ansamblin e aktorëve në kategorinë “First Feature Competition” në Gala mbrëmjen e organizuar sonte në Tallinn të Estonisë.

Mjaft e lumtur në ceremoninë e ndarjes së çmimeve, regjisorja falenderoi jurinë për çmimet dhe u shpreh: ‘Premiera e filmit në këtë festival ishte një eksperiencë e mrekullueshme. Këtë film e kam bërë për dashurinë e pamundur mes dy njerzve të gjinisë së njejtë sepse për mua ndalimi i dashurisë në emër të një norme shoqërore është absurde. Dashuria nuk është krim përderisa ndalimi i saj është, dhe për këtë arsye këtë çmim ia kushtoj ndjenjës më të bukur – dashurisë.‘

Image

Ndërsa producenti Keka Kreshnik Berisha ndër tjerash falenderoi të gjithë ekipën për punën fantastike që kanë bërë me shumë pasion e dashuri.

Drejtori i QKK-së Arben Zharku tha: ‘Ky është një sukses i plotëmerituar për ekipën e filmit dhe një lajm shumë i mirë për kinematografinë e Kosovës.’

Image

‘Martesa’ është bashkëprodhim në mes Kosovës dhe Shqipërisë me producent Keka Kreshnik Berisha dhe Eno Milkani, të subvencionuar nga Qendra Kinematografike e Kosovës dhe Qendra Kombëtare e Kinematografisë së Shqipërisë, ndërsa në rolet kryesore janë Alban Ukaj, Adriana Matoshi dhe Genc Salihu.

Ky film premierën në Kosovë do ta ketë në fillim të muajit shkurt.

Sot mund të lexoni Shfletoni kopertinat
Sondazh
    test