Edi Luarasi, meteor në skenë e në jetë - Bota Sot
Edi Luarasi, meteor në skenë e në jetë

Kultura

E shtunë, 16 dhjetor 2017

Edi Luarasi, meteor në skenë e në jetë

Nga: Aziz Bytyçi Më: 4 dhjetor 2017 Në ora: 10:05
Edi Luarasi

Aty, aktori apo aktorja sjell shpirtin, derdh emucionin, lë veten. Por  ka nga ata, që , pikërishtë në skenë, sjellin dritën dhe lënë në të pafundësisht imazhin e ndritur  të tyre dhe kësisoj shëndrrohen dhe mbeten tej kohëve, në meteor.

Gazetarja e njohur jo vetem në gazetarin shqiptare por edhe gjithëandej botës së civilizuar e demokratike ,  Zenepe Luka ,  nuk i mjaftoi vetem me shkrime ditore gazetareske por ajo i hyri edhe krijimtarisë letrare duke shkruar poezi,ese dhe tregime.Ajo deri më tani ka me dhjetra titujsh librash të botuar të zhanrëve të ndryeshme nga poezia,intervista,testament,etj.Ç'është me rëndësi ,  zonja Luka nuk la edhe as një artist të kombit pa e intervistuar por artistes së kombit Edi Luarasit ia kushtoj edhe librin”DASHURIA DHE DRAMA”,në jetë dhe në skenë.Autorja e librit Zenepe Luka thotë se : Ishte tejet e vështirë për mua për të përfunduar e dorëzuar në shtyp librin “Edi Luarasi-Dashuria dhe drama”(Një jetë dhe në skenë).Kjo jo se më mungonte përvoja,por,teksa mbushja faqet e tij , ndalesha dhe thoja , duhet thënë edhe kjo … mos të lë edhe atë…Shqetësimi im kishte të bënte me atë që  ndjeja,që kërkoja të arrija . Dëshira dhe përgjegjësia për të “skalitur” përsosshmërisht me penë “portretin” e Edi Laurasit , në mënyrë që të rrezatojnë me tërë forcën,ngjyrat , drita , bukuria , talenti , sfida ,. Portretin , ku rrallë shihet e dëgjohet , të kenë bashkëjetuar mrekullisht , dashuria e dhimbja.Për librin e shkruar të autores  kushtuar artistes së Kombit Edi Luarasi,autorja ,thotë: Fillimisht , gjykova se do të ishte thjesht një liber biografik për artisten e madhe , që do t’i bëhej suprizë me rastin e 75- vjetorit të lindjes , por ndryshova mendjen.Duke biseduar me bashkëshortët artistë , Mihal dhe Edi , duke parë me vemendje materialet që kisha grumbulluar në dosjen , ku shkruhej me germa të mëdha “EDI”, më tej, nga kontaktet dhe intervistat me familjarët,miqë,kolegë,figura të mëdha të fushës së artit , skenës e kinomatografisë dhe fushave të tjera ,që admironin artistët,arrita në përfundimin , se Edi dhe Mihal Luarasi , kanë qëndruar tërë jetën bashkë.Ata i bashkoi dashuri e dyfishtë për  njëri-tjetrin dhe për artin , ndjenjën dhe forcën , që nuk i ndau edhe në ditët më të vështira , duke interpretuar me dinjitet dramën e jetës dhe skenës.Ndaj vendosa , bashkë do të jenë edhe në këtë libër.Bashkë,ata janë gur i rëndë themeli në monumentin e artit të kombit.Libri, që i dhurohet çiftit , fëmijëve , nipit , me rastin e 60-vjetorit të celebrimit të dashurisë së tyre , ka dy gjysma : Edi dhe Mihali , të dy jetët , që u bënë një , në shpirt dhe në art.Bashkë do të përshkonin rrugën e gjatë , për të dhënë kontribute dinjitoze në fushën e artit , Edi , si aktore e skenës dhe kinomatografisë , ndërsa Mihali , si regjisor i madh dhe si autor i shumë dramave.Dashuria e tyre për artin, “malli” për skenën , e riktheu çiftin Mihal dhe Edi Luarasin në skenë pas rënies së regjimit , kur moren fund edhe vuajtjet e tyre . Të tjera role interpretoi Edi , të tjera drama shkroi Mihali dhe bashkë , tashmë , gëzohen me fëmijët e mrekullueshëm Lea ,Eldon dhe nipin , Michel.Në fund autorja e librit,gazetarja e jonë e mirnjohur zonja Zenepe Luka  falenderon nga zemra familjarët , personalitetet të artit dhe të fushave të tjera , kolegë dhe artdashës , që , së bashku , shkruam këtë libër . Mirënjohje!

Për një interpretim analitik rreth librit të shkruar për artisten e kombit  , Edi Luarasi , nga Zenepe Luka ,poetja e nderuar  Vllasova Musta jep një vështrim rreth librit.Për çdo aktor skena ka shenjtërinë e vet , është toka , është dashuria , është altari . Aty , aktori apo aktorja sjell shpirtin , derdh emucionin , lë veten . Por , ka nga ata , që , pikërishtë në skenë , sjellin dritën dhe lënë në të pafundësisht imazhin e ndritur  të tyre dhe kësisoj shëndrrohen dhe mbeten tej kohëve , në meteor.E till është për këdo , që e ke njohur artisten e talentuar Edi Luarasi , një meteor ,që ndritë në skenë , që i dha hijëshinë dhe mrekullinë e talentit të saj , që vezulloi me shkëlqimin e dritës dhe mbeti në të përjetësisht.E kam njohur kur xhirohej filmi “Ngadhënjimi mbi vdekjen”, në qytetin e Gjirokastrës dhe aso kohe unë isha gjimnaziste.Ka qenë periudhë vere dhe për ne , të rinjët , ishte një mrekulli të shihnim nga afër , se si xhirohej një film . Në një farë mënyre , na kishte ardhur “magjia”pranë dhe ne po e preknim atë . Kurr nuk do ta harroi se si ishte në momentet e xhirimit Edi ! Një uragan i vërtetë ,shpërthyes ,dritësor,fluturuese e thua vinte nga të tjera hapësira qiellore ! Ajo rendte mbi çatitë e gurta , sa të bënte të besoje se ishte rritur mbi to , rendte sikur luante , pa asnjë drojë , e përqëndruar për të realizuar sa më natyrshëm rolin , për të qenë sa më e vërtet , ndersa ne , që e ndiqnim xhirimin , rrinim me zemër të ngrirë  , se na dukej sikur , nga çasti në çast , mund të rrëshqiste dhe mund të binte.Por , Edi Luarasi nuk ishte nga ato që mund të binte ! Asnjëherë nuk ra , asnjëherë nuk u ankua edhe kur lodhja kapërcente çdo limit . Me interpretimin e saj , skaliti një kryerol brilant , që mbeti vezullues dhe model për çdo artist , sepse Edi e kish në shpirt dashurinë për artin , për skenën dhe ekranin . Ajo mori duartrokitje dhe eci nën harkun e ylberitë të tyre . I dha skenës dhe ekranit imazhin e papërseritshëm të saj , shpërthimin dhe interpretimin prefekt ,duke u ngjitur tej lartësisë.Edi Luarasi edhe kur regjimi i kohës e largoi dhunshëm nga Teatri , nuk ra ! Mbeti në këmbë ,kryelartë , e papërkulur , e patjetërsuar , përherë me hiret e bukurisë së karakterit dhe fisnikërinë e shpirtit !Edi Luarasi është shembëlltyra më e mirë e gruas që mbart virtytin , talentin , forcën dhe dinjitetin e papërkulur !Me këtë gjuhë e më këto vlera sot edhe do t’u flasë edhe brezave, që do të vijnë , gruaja e rrallë dhe artistja e madhe Edi Luarasi , sepse ajo mbart dritën , përcjell dritën dhe përçon dritën tek të gjithë. Krejtë në fund pas një interpretimi vërtet të mrekullueshëm analitik që poetja në fjalë e zberthej me këto fjalë miradije për artisten e kombit vertet të merituar në kinomatografin shqiptare,tha se:Meteorët lënë gjurmë , lënë emër dhe kapërcejnë kohët.Ne krenohemi duke thënë “midis nesh kemi një meteor të skenës dhe jetës , quhet Edi Luarasi”.Kohët do të flasin për të…  

Sot mund të lexoni Shfletoni kopertinat
Sondazh
    test