Sa më parë që të vetëdijesohemi
Zallahitë mendore do t’i eleminojmë
E kur të merituarëve u gëzohemi
Jetën tonë do ta dritësojmë.
Nga punët e liga më lehtë largohemi
Kur tek ne mbizotëron arsyeja
Prej territ të mendjes do të çlirohemi
Për të hapëruar lirshëm kah ardhmëria.
Me shpirtmadhësi e ndjenjën e sinqeritetit
Jeta normale në këto troje do të krijohet
Pa nëpërkëmbje e ndërskamca ndaj njëri-tjetrit
Drejt përparimit më lehtë do të shkohet.
E njerëzishmja, vetëdija, ndershmëria...
Të bashkërenditura e të pandara kur në mes nesh qëndrojnë
Do të shfaqet normaliteti, buzëqeshja e lumturia
Që prej shumë kohësh njerëzit tanë dëshirojnë.