Në ujin kristalor
të rrjedhës së Drinit
në gazin fëmijëror
rrafshit të Dukagjinit.
në përrallën e lehtë
të gjyshit të gjyshes
në fluturimin e shpejtë
n`krah të dallëndyshes
në legjenden e fisit
të Gjergj Elez Alisë
në rrënjët e lisit
në sythat e lirisë
në ëndrrën e shpresës
mbirë e qelë mbi gur
në fjalën e besës
qëndisur në mur
në bardhësinë e borës
majë maleve të Rugovës
në akrepat e Orës
së Nënëloke Kosovës.
ai vjen i buzëqeshur
ndrinë si meteor
me vargje e rima veshur
përshëndetë me dorë...
