çaste data pëlcitje ngjarje nën tis gjaku
unë e gjarpri i shtëpisë nën vetëtimë
fytyrë kthyer nga jehu i bririt të jugut
udhët deri në një i ka prerë bora në çakor
zotIm e deri te kullat e oso kukës flakë
e hije e brigje e varre e koka e ujë
e qerre të thyera e kalorës të përhumbur
a do të mund t`i afrohem vetes zotIm
apo vetëm përmbi kullë do të djeg hëna
e kojrrilat do të mbyten mjegullës blu
do të fillojë përsëri rrënimi i ëndrrës
e gjaku ta mbulojë fushën me asfodela