Pengu im

Kultura

Pengu im

Nga: Neki Lulaj Më: 13 shtator 2018 Në ora: 11:56
Neki Lulaj

Edhe unë brinjë jam në shpatullat e ngrohtë të kësaj toke

Dhe ah, sa më dhemb çdo qelizë e trupit të lënduar

Jetoi afër e larg brenda teje me rrjedh gjak lokeje.

Jeta jote brenda meje frymon e lumturuar.

Kam të drejtë ta them edhe sot edhe nesër

Kam të drejtë dhe ta mbroj si gjykatës i drejtë

Fjala ime për ty zuri vend kancelarive të Botës së egër

Jam fara jote andej e këndej që rrënjë hedh

E ata na quajnë farë exheri, na quajnë llum

Ne kënduam në shekujt këngët shurdhuese

Nëpër rrugët e largëta vitesh shpesh edhe pa kulm

Vumë gurë si themelues të kalasë shtet formuese

Unë jam aorta jote, ti je gjaku im, ajër, peng

Je toka e fildishtë dhe varri im i lumnuar.

E vjetër sa Zoti është emri gëzof që trupin ma mbledh

Ti je kambana që rreh e kurrë s`ke për të pushuar.…..

Sot mund të lexoni Shfletoni kopertinat